Solstråla Solveig

Godt nyttår

2012-01-19T06:22:00.000-08:00

Godt Nyttår. Nytårsafta var eg oppe til halv to, eg vurderte å døgna, men så sovna eg.
Då har eg faktisk ikkje gitt lyd frå meg sidan i fjor, så her kjem ei lita helsing. Før jul fekk me besøk av familien Tjelle, det var koselig. Me feira jul på Fogn hos bestå og besten. Det var kjekt. Eg fekk Nugatti kvar dag, og til jul fekk eg masse klær, ny dokka og mykje fint. Me var og på overnatting hos bestemor og morfar. Når me kom heim til Nærbø fekk me besøk heilt frå Peru. Det var veldig kjekt å herja med Helge igjen, sjølv om han såg ut som ein geitebukk:)
Nå er det kvardag igjen, og eg er i gang med skulen.
Nå er det ikkje lenge til eg skal prøva meg på ski, om det kjem snø eller ikkje!

God Jul!

2011-12-23T15:19:00.000-08:00

Hei og hå, nå e det jul! Eg e hos Besten og Bestå på Fogn, og glede meg veldig til å gå rundt juletre. Denne veka fekk me ein dag med snø, og eg fekk prøva å aka. Det var veldig kjekt, men dagen etter var snøen vekke. Då vart Mika så frustrert at han tok rattkjelken og drog avgårde på bare asfalten.

Då trur eg bare eg vil ønska dokke alle ei flott jul.

Tannlaus

2011-12-05T15:13:00.000-08:00

Eg har forandra meg litt sidan sist, eg har nemlig mista to tenner. Eg var hos tannlegen for ei stund sidan, men då må eg innrømma at eg var noko skeptisk til at ei framand dame skulle stappa eit speil inni munnen min! Når pappa vart med oppi denne kjørbare stolen fekk hu til nøds lov til å tella tennene mine. Men ikkje sei noko til hu om at eg har mista tenner, for då blir eg plutselig kalla inn til ny tann-telling..

Ellers har eg funne ut at det kan vera veldig godt å stå litt tidlig opp, og få litt tid for seg sjølv. Då pleier eg ofte å finna fram litt snadder, å sitta å fundera litt over livet.

Nye briller

2011-10-25T14:58:00.000-07:00

Rekner med ein heil del av dykk er veldig spent på korleis eg tar meg ut i mine nye briller! Her kan dokke sjå. Eg er så fornøgd at eg beheld brillene på nesten heile dagen.

Mika og eg ville gjerne synga ein sang for dykk og, så de kan ha noko å kosa dykk med på mørke haustkveldar.

Haustferie

2011-10-13T14:22:00.000-07:00

Sauer er morsomme dyr

Veren var svolten.

Nå er eg på Fogn på haustferie, og det er ein spennande plass. Eg har leika, kjørt traktor med onkel og gått på tur med Bestå.
Noko som eg synest var veldig kjekt, var å vera i sauhuset. Eg var med å ga mat til verane, og eg syntes me fann tonen.
Ellers så har eg bestilt nye briller, så får me håpa at det er nokon som sit godt på hodet mitt:)

Her er eg igjen

2011-10-01T06:09:00.000-07:00

Olav er ein kjekk kar. IPADen hans var og kjekk. Sånn ein trur eg at eg MÅ ha!

Ja, vel, det går litt langt mellom blogginnlegga for tida, men eg er litt travelt opptatt for tida. Eg går på skule, gjer lekser, er med i kor og barnelag, og prøver å prioritera å få sjå litt på film og TV, så tida går. Men eg rekner med ein del av dykk har litt abstinenser etter å sjå mitt blide åsyn, så eg skal legga ut nokre bilde av meg:)

Eg vurderer sjukepleiar-yrket. Robert-Potet trengte litt kjærlig pleie, og han vart god..

Mika er ein lystig bror, her tar me oss eit spel.

Ut på tur, aldri sur.

Heime igjen etter ein tur på sjukehus, då var eg i form!

Skulestart

2011-08-18T14:09:00.000-07:00

Frukost før me reiste til skulen

Ingenting å sei på humøret

Mamma og meg før me gjekk inn på skulen

Litt lite blogging i det siste, men nå har eg litt å fortella. Eg har begynt på skulen! På laurdag var med morfar og bestemor å handla ransel og mandag morgen var eg klar for første skuledag. Det var litt spennande, men det var veldig kjekt. Eg fekk egen pult, og mange bøker. Eg fekk sitta ved sida av ei jenta som eg kjente litt frå før, så det var litt trygt. Eg har fått leksa, og sjølv om eg var litt trøtt når eg kom heim frå skulen, så gjorde eg leksa mi.
Nå har eg vore eit par dagar til på skulen, og det går veldig bra. Eg trives og koser meg.

Fart og spenning

2011-06-24T20:22:00.000-07:00

Peter og eg bader

Denne var me på tur i

Det var topp!

Eg koser med ein slange

Sjiraffen likte eg og godt

Då har eg reist frå Peru, og er på ferie i Florida. Her har eg kosa meg med litt av kvart. Eg har bada på stranda, i ein utrulig varm sjø, og uten dei store bølgene som eg er van med i Peru. Ein dag var me å såg på krokodillar og slangar, det var spennande. Me har vore i dyrehage, det eg likte best var apekattar. Eg såg på ein som hadde baby, og då måtte dei nesten bæra meg vekk når dei andre ville gå. Den var så søøte!
Noko anna som eg syntes var både løye og gøy, var å kjøra racerbåt.
I dag har me vore i SeaWorld og sett på delfinar og spekkhoggerar. Eg vart ganske fornærma når den spekkhoggaren skvetta vatn på meg, det var ikkje fint gjort.

Eit par bilder

2011-06-09T22:18:00.000-07:00

Sist helg var me på tur nesten heile den norske gjengen som bur her i Arequipa. Eg syntes det var litt langt å gå, men eg kom meg nå fram(med litt hjelp).
Me grilla pølser og kosa oss. På bildet er mamma litt i tvil om kor eg vil ha maten, så eg må visa hu:)

Mika og eg ligg på same rom, og av og til tar han seg ein tur bort til meg. Då er det ikkje alltid så lett å sovna, men me har det løye. Mika er den løgnaste eg kjenner. Når han begynner å tulla, klarer eg nesten ikkje å slutta å le..

Snart skuleklar med ny sveis

2011-06-03T20:28:00.000-07:00

Nå er det litt kjedelig heima, for me har pakka ned mange ting som skal sendast til Norge. Er litt usikker på kva dette "Norge" betyr, men eg har iallefall fått med meg at eg skal reisa med fly, og det liker eg.
Sist veka begynte eg på førskulen. Det er for dei som skal begynna på skulen, og der lærer me litt korleis det er å gå på skulen. Eg synes det er kjekt, og når det er favorittdamene mine, Elise og Katrine, som har dette, så må det jo bli gøy.

Me fekk lapp med navna på

Her er heile førskulen

Har og lyst å visa dokke eit bilde av når eg fekk ny sveis, det kan eg takka Mika for. Kunsten i bakgrunnen på det bildet, har me vore saman om. Eg synes me er eit kreativt radarpar.

Luggen min held eg i handa:)

Juliaca og glasdør

2011-05-01T20:31:00.000-07:00

Då har eg vore ein siste gang i Juliaca og rundt forbi. Det var litt trist å sei "ha-det" til byen eg har så mange gode minner frå. Mamma og pappa snakker meir og meir om Norge, og prøver å forbereda meg psykisk på eit liv der. Men eg jatter bare med, forstår egentlig ikkje kva dei snakker om.

Avskjed med skogen i Juliaca

Mika og eg utafor Azangaro(klikk og sjå uttrykket på Mika:)

Eg leiker med ei jenta som heiter America

Glasdøra og skaden min

I går leika Mika og eg ganske kjekt. Han sprang etter meg, og eg tenkte eg skulle vera lur å lukka glasdøra litt skikkelig. Men eg kom ikkje heilt på kor sterk eg var, så den knuste og eg ramla gjennom døra og fekk meg eit sygt kutt i håndleddet. Når eg reiste til sjukehus med eit håndkle rundt armen, sa eg til pappa: Eg må ha på plaster. Det var visst litt verre enn det. Doktoren måtte sy 6 sting i armen min, men ellers er eg like fin.

God påske

2011-04-20T17:04:00.000-07:00

Me har hatt kjekt besøk frå Norge den siste veka, men i dag reiste dei. Har lyst å ønska alle mine trufaste leserar ei god påske med denne fine sangen.

Tur til Bolivia

2011-04-09T16:12:00.000-07:00

Eg har vore på tur til Bolivia. Det var ei ganske lang reise, men det hjalp på når eg fekk synga litt.
I Cochabamba var me på eit fint hotell. Me budde samen med familien Eggebø i ei hus. Og veit du kva det hadde i hagen? Svømmebasseng! Som mange av dokke veit, er eg glad i vatn, og Mika og eg kosa oss masse i bassenget.
Me var og oppe og såg på ein av verdens største Jesus-statuer
Det var litt av det eg har gjort i det siste.

Sang med Peter

den va løyen..

Bading er livet

eg gidde ikkje sitta i ro:)

Gøy med taubane

I hundre!

2011-03-13T19:27:00.000-07:00

Då feirer eg eit aldri så lite jubileum på bloggen min. Dette er nemlig innlegg nr 100! Det er ikkje alltid eg har like mykje på hjerta, men sjølv om det ikkje alltid er så tett mellom innlegga, har det nå blitt nokre livsteikn frå meg.

Silas og eg i farten

I Parken

David og eg køyrer "bånn gass"

Denne helga har mamma vore vekke, og på laurdag tok pappa med seg heile gjengen på go-cart. Det var noko eg kunne lika. Eg fann ikkje heilt ut av det sjølv, men eg fekk vera med brødrene mine. Etter at me var ferdige, hadde eg litt vanskelig for å forstå at det var slutt. Eg må vel innrømma at eg maste litt for å få køyra meir, men der var pappa ganske konsekvent. Men, men..det var kjekt så lenge det varte.

Steingal og brillelaus

2011-03-07T14:15:00.000-08:00


Mika og meg i ein park

Første og siste bildet med dei brillene:)

Gøy og rutsje med Peter

Pappa vart litt nervøs når eg kasta denne..

For ikkje så lenge sidan tok mamma og pappa meg med til byen for å kjøpa nye briller. Eg tok ein synstest og bestilte nokre friske, kule briller. Nokre dagar etter at eg hadde fått dei fekk eg vera med Katrine og nokre andre på busstur i ein toetasjes turistbuss. Då gjorde eg noko fristande, men dumt. Eg tenkte eg ville sjekka om dei nye brillene mine var solide saker, så eg tok dei av og kasta dei ut av bussen. Det som eg ikkje hadde tenkt på, var at det kunne vera vanskelig å finna dei igjen. Me fann dei ikkje...

Nå i helga var me på tur litt utforbi byen. Der var det fint. Når eg vart lei av å gå, satte eg meg ned for å slappa av litt. Der var det ein del småstein, som eg heiv rundt meg. Det var i for seg greit, heilt til pappa høyrde det suste rundt øyrene hans. Då lærte eg at det er greit å hiva stein, men ikkje å sikta på folk. Stadig noko å læra.

Eg blir 6 år

2011-02-02T07:57:00.000-08:00

Hei. Nå nærmer det seg veldig min bursdag. Det glede eg meg til, men noko som er litt dumt, er at pappa ikkje er heima. Men uansett blir eg 6 år på torsdag, satser på at eg får noko fint då, og sikkert noko godt å eta og. Dette året skal eg faktisk begynna på skulen!

Litt av kvart

2011-01-20T19:48:00.000-08:00

Fantastisk plass. Legg merke til kakene, dei er gode..

Epler og pærer med tante Anna

Eg liker å legga saman klær

Mamma og eg på ridetur. Det var kjekt.

Då er kvardagen i gang igjen, etter ei tid med mykje reising og besøk. Det var veldig kjekt å ha besøk av tante Anna, onkel Jan Erik, Leon og Adam. Me var på kysten saman med dei, og ein tur til Juliaca og Puno. For meg er ferieplassen heilt topp, eg kunne nesten budd i bassenget. Nå liker eg godt å prøva å svømma utan armringar. Eg kjem meg fram, men eg har ikkje alltid heilt kontroll på om eg står botn eller ikkje. Men heldigvis har eg både foreldre og brødre som følger med, så det går så bra så. Når me var i Juliaca, så fekk me gå inn til huset der me budde, men ikkje inn i huset. Eg hadde ikkje lyst å gå derfrå, for eg håpa å treffa Laika og Bolla(hundane våre). Men så kom Mika og sa at dei var døde, så då var det bare å gå.
Eg har visst ikkje sagt Godt Nyttår, så det seier eg nå: Godt Nyttår!

Ferietid

2011-01-02T20:45:00.000-08:00

Dette er ei kjekk tid på året. Jul og nyttår, med god mat og mykje snadder, badesesong og ferie. Og i tillegg besøk frå Norge. Eg har kosa meg mykje i det sista. Nå har morfar, bestemor og moster Reidun reist heim, og så har eg fått besøk av tante Anna, onkel Jan Erik, Leon og Adam. Eg synes det er kjekt å reisa til flyplassen, men det er ei ting eg blir ganske irritert på. Det er at eg aldri får vera med det flyet. Sist veka når besøket vårt reiste, så sa eg som så ofte før: Eg blir med! Men dei reiste av gårde, og så skal det vera så stas å stå der å sjå at det flyet letter. Nei, då toga eg avgårde og tenkte at nå er det på tide at eg og får vera med det flyet. Det som er litt synd, er at pappa er utrulig rask på dei første metrane, og før eg kom meg så langt som til sikkerhets-kontrollen, hadde han henta meg inn og frakta meg tilbake til denne "fantastiske" utsiktsplassen for landing og letting av fly. Eg seier det igjen: Eg vil bli med!
Ellers har eg det bare bra. Her kjem nokre bilder frå noko av det eg har opplevd sidan sist.

Eg baker pepperkaker

Kjekt å herja med morfar

Eg fekk piano til jul


Morfar kviler og eg sjekker om han søv

Bading i varme kilder saman med moster Reidun og bestemor

Julehelsing

2010-12-28T20:23:00.000-08:00

Eg har sendt inn eit stykke til Utsyn, men til dokke som ikkje har det, du kan lesa kva eg har skrive ved å klikka på denne.

Julesang

2010-12-18T21:31:00.000-08:00

Nå er det snart jul, og eg har fått besøk frå Norge av bestemor, morfar og moster Reidun. Kjekt med besøk! Eg har holdt på ei stund med julesangar, og dei lever eg meg inn i. Her eit lite glimt frå korleis eg kjem i julestemning.

Ta hensyn

2010-11-13T20:35:00.000-08:00

I dag vil eg setta litt fokus på at det kan vera litt krevande å vera einaste jenta i ein søskenflokk på fem. Stort sett går det heilt greit og er veldig glad i brødrene mine, men det hender dei blir litt voldsomme. Det virker ikkje som dei alltid tenker på at det er ei dama blant dei, som dei bør ta litt hensyn til. Ellers rekner eg med at bildene fortel ein del om kva eg meiner!

God kontakt med sjefen

2010-10-28T19:03:00.000-07:00

Dei av dokke som følger litt med i kva som skjer i NLM, veit at me nylig har fått ein ny sjef i organisasjonen. Han heiter Øyvind Åsland og var på besøk hos oss når me budde i Juliaca. Eg tenker at det er viktig å ha gode kontakter, og eg synes me fekk ein god dialog. Han som var sjef før Øyvind, heiter Ola Tulluan. Han synes eg og at eg fekk eit nært og godt forhold til. Det kan vera ein fordel å kjenna toppane av og til, og det har eg tenkt å utnytta så godt eg kan.

Ellers så ha me fått besøk frå Norge, og dei hadde med mykje fint og godt til meg. I kveld hadde eg ein del skiver med brunost, men eg vart litt irritert når David og Peter og skulle eta av min brunost.

I vinden

2010-10-25T14:54:00.000-07:00

Sist veka var eg nokre dagar på haustferie på kysten. Det var veldig kjekt. Ein kjekk mann som heiter Tom Georg, fant på noko lurt. Det var å kjøpa drage til meg og dei andre ungane.
Nå skal eg læra dokke noko om drage-flyging. Eg prøvte først å springa etter dragen, men det vart ingen ubetinga sukess, så då fann eg ut at eg får prøva å springa andre veien.
Veit du ka? Det virka. Eg sprang rundt å kosa meg med dragen. Gøy, gøy!

Fine bilder

2010-10-16T20:21:00.000-07:00

Her går tida, og eg har det fint. Har vore litt oftare sjuk her i Arequipa enn eg var i Juliaca, men sånn er livet. Tenkte eg ville legga ut eit par bilder av meg, så dokke kan ha noko fint å sjå på!

Eg held på å trena på å køyra 3-hjuls-sykkel, men eg liker best viss mamma eller pappa er motor

Mika og eg har pynta oss for å gå på klubb

Katrine

2010-09-01T19:01:00.000-07:00

Dette er Katrine og meg
Eg prøver å læra dokka til å smila på bilder
Her er me i gang med litt trening
Her er rommet mitt

Nå har eg lyst til å presentera den nye dama som skal trena med meg dette året: Hu heiter Katrine og er veldig grei. Me har fått et eget rom på SETELA, som er på same tomta som den norske skulen. Så eg er ein del saman med ungane på skulen. Men det er litt kjekt å ha mitt eget rom, med alle tinga eg bruker.
Nå held eg på å trena på bokstavar, og eg kan peika på rett bokstav til ganske mange ord. Trur eg er ganske lur for alderen. Men det er jo bare ett år til eg begynner på skulen og.

Ridetur

2010-08-29T18:34:00.000-07:00

Då er kvardagen i gang igjen, og det liker eg godt. Eg har fått ny dama som trener med meg, skal prøva å få tatt eit bilde av hu ein dag. I dag kjem eg ikkje på så mykje å fortella, men eg tenkte eg skulle legga ut eit par bilder. Dei store brødrene mine liker godt å ri, og ein dag eg var med ut der det er hestar. Då fann eg ut at måtte prøva ein ridetur eg og. Det var litt skummelt, men det var kjekt og.

I kveld hadde me pizza-rester til kvelds, og eg trengte hjelp til blåsa på den, for den var varm. Mamma tilbaud seg å blåsa, men eg meinte pappa var best til det. Når mamma spurte kvifor ikkje hu kunne blåsa sa eg: Pappa er skatten min! Då lo dei, så eg trur eg er ganske løyen.

Ein liten diskusjon

2010-07-15T21:11:00.000-07:00

Mika og eg hadde ein liten diskusjon sjå denne

Sol og sommar

2010-07-15T14:58:00.000-07:00

Mamma og eg på strandaKom i mine armer..
Fin utsikt ved frukostbordet
Dette blikket pleier å hjelpa viss pappa ikkje vil bera meg
Jippi
Bading er livet
Ska det vera eit krokodilleegg til frukost?

Sist veka var me på ein flott plass som heiter Zorritos. Det var ein plass heilt etter mitt hjerta. Fint basseng, god mat(dessert kvar dag) og god tumleplass.
Me var på båttur og såg på krokodillar og fuglar, dei andre prøvte å holda ein liten krokodille, men det såg eg ikkje heilt syn på.
For meg var det stora å få bada så mykje eg ville. Einaste gangen eg ikkje fekk bada var når me var med nokre sorpe-hol, då var eg litt sur, men plutselig gjekk det øve.

Kvardag

2010-07-02T21:43:00.000-07:00

Eg trille ball med David

Det har vore mykje styr dei siste månadane, pakking, flytting, og utpakking. Men nå har me kome godt i gang i Arequipa. Eg har vore med Elise på skulen til det vart ferie der, og nå er eg med Mika i barnehagen. Om ettermiddagen er me som oftast ute i parken ein tur. I dag var eg hos frisøren og fekk klypt meg og satt opp håret. Eg sat og gliste i frisør-stolen, som egentlig ikkje var ein stol, men ein liten bil. Eg syntes eg vart så fin. Nå er eg klar for ei veka med badeferie. Kjem tilbake med rapport frå det seinare.

Eg har sett litt på fotball-VM, trur det var sånn dei gjorde..
Homm, det betyr kom i mine armer, det er deg som eg har kjær
Eg var fornøgd når eg hadde vore hos frisøren, og det hadde eg grunn til

Eg har flytta

2010-06-20T21:02:00.000-07:00

Ha det bra, Randi, eg sakne deg allerede...
Heldigvis har eg nokre brødre eg kan kosa meg med, når andre reiser
Avskjedsfrukost med 3xMulelid og Markus
Ein siste natta-kos til Andrea
Nutella er godt, uansett kva pappa seier

Nå har eg flytta frå Juliaca og ned ca 1400 meter, så nå bur eg bare 2400 m.o.h i ein by som heiter Arequipa. Det er ganske varmt og godt her, sjølv om det er vinter.
Sjølve flyttinga gjekk greit, eg er ikkje så nøye på kor eg bur, men eg liker å ha kjekke folk rundt meg. Det som er litt dumt akkurat nå, er at mange folk som eg har prøvt å bygga opp eit godt forhold til, reiser frå meg. Det liker eg ikkje.
Når folk reiser, treng eg noko å kosa meg med. For ei stund sidan reiste mamma og David på tur til Chile. Då fann eg ut at eg kunne trenga litt snadder, så eg fann Nutella-glaset og forsynte meg rikelig av det. Pappa var ikkje så begeistra, han snakka om at eg ikkje burde grapsa når eg var ny-bada. Men for meg er ikkje Nutella graps, snarare tvert imot.

Takk for alt kjekt me har funne på saman, Andrea, Sander, John Henrik, Randi og Robert(potet). Eg er glad dokke vart kjent med meg. Og så har eg lyst til å takka Birgitte som har vore veldig kjekk å trena med den siste tida eg budde i Juliaca. Dokke andre har eg ikkje vore så mykje saman med, men Ingrid har vore kjekk å leika med. Håper dokke får det fint i Norge. Plutselig kjem eg på besøk.

17.mai

2010-05-20T10:35:00.000-07:00

I år feira me 17.mai i Arequipa. Det var ein dag etter mitt hjerta. Me begynte med å kle oss opp, eg liker å gå i kjole! Så var det ein fantastisk frukost, og eg hadde opptil fleire skjever med brunost. Det smakte godt. Eg skulle egentlig vera duskedama i toget, men når toget skulle gå, fann eg ut at det gadd eg ikkje, så eg sto å såg på.
Etterkvart kom det ei dama med ei isvogn, så grilla me, snopa litt i kiosken, og før me gjekk heim var det eit stort kakebord.
Det høyres kanskje ut som om eg bare åt på 17.mai, men eg fekk og tid til å leika og spela bordtennis.

Ta vare på huden

2010-05-10T11:10:00.000-07:00

Her ein morgon fann eg ei krukka med a-vitamin-krem. Eg tenkte at sidan eg bur ein plass med mykje sol og tørr luft, bør eg tenka på å bevara huden min fin. Så eg smurde tjukt på. Mamma syntes nok det vart litt vel tjukt, men alt for skjønnheten:)

Potet

2010-05-08T07:42:00.000-07:00

Eg er blitt ganske flink til å snakka i det sista. Eg hermer etter ord og navn, og klarer å gjera meg forstått på norsk, og glimter til på spansk og av og til. Når eg er ute i gata, så helser eg gjerne på tilfeldige folk på gata med eit klingande: HOLA. (Det betyr hei, for dei som ikkje er så støe i spansken).

Det er ein eg har gitt eit litt spesielt navn. Han heiter Robert, men eg synes han kler så godt det navnet eg har gitt han, det er Potet.

Pappa prøver å læra meg å sei Ro, og eg seier ”ro”, og så ”bert” og eg seier ”bert”-potet, med eit lurt smil om munnen.

Perfect syndrom

2010-05-03T20:14:00.000-07:00

Eg fann ein utrulig bra artikkel om ein annan familie som har fått ei jenta med Downs syndrom. Ein av tinga som far til denne jenta skriv, er at det er litt dumt at han som fann ut kva Downs syndrom er, heite Down, litt negativt på ein måte. Han kunne jo heita Brown, eller Perfect:)
Les denne artikkelen.
Eg les ein del, men eg held meg helst til Utsyn, synes det er eit godt blad.

Litt forskjellig

2010-04-25T19:30:00.000-07:00

Sidan sist har det skjedd litt av kvart. Me har hatt kjekt besøk av tante Elin, onkel Endre, Gunnar og Magnus. Eg syntes det var spesielt stas med Magnus, eller ”bebe”, som eg kalla han. Dei kom mens me var i Arequipa for å vera på konferanse. Då var eg i barnehage eit par dagar, det var kjekt.

Så var me på tur med besøket vårt, både på Titicaca-sjøen og på Sillustani. Ellers er eg i jevnt godt humør, snakker meir og meir, og et skjeva med leverpostei.

Her kan de sjå nokre bilder av meg frå seinare tid.

Vinterferie

2010-03-11T20:49:00.000-08:00

I vinterferien var me på ferieplassen Miramar. Eg elsker vatn, og bada masse. Denne veka fann eg ut at eg sto botn i det stora bassenget, og det var kjekt å gå rundt utan badering eller armringar. Eg har sett litt på storebrødrene mine, og dei er like mykje under som over vatn. Eg bestemte meg for å begynna å dukka. Sjølv om mamma og pappa var litt bekymra når eg gjekk med hodet under vatn, så kom eg alltid opp for å trekka litt luft.
Eit av høgdepunkta denne ferien, var lørdagskos på Caprichio, for der har dei fantastiske kaker. Denne veka har eg lært meg ein ny setning, som eg seier med både ord og teikn, så ingen skal vera i tvil: Pappa kjøpa kaka!

Svake bukser

2010-02-21T13:54:00.000-08:00

Sist helg var me på tur til Puno. Eg hadde nye, fine klær på meg. Me var ein plass der det var mange steinar me kunne klatra på. Eg klatra opp, og rutsja ned. Før mamma hadde fått med seg kva som skjedde, hadde eg rutsja hål i ei splitter ny buksa(unnskyld bestemor)
Men me hadde ein fin tur, og me hadde med kaka og anna godt.

Nå er eg klar for ein tur til kysten, og der skal eg bada frå morgon til kveld.

Bursdagsfeiring

2010-02-10T19:35:00.000-08:00

Eg fekk pakkar når eg vakna
Mika og eg lager middag
Eg er ikkje heilt sikker på kor hjerta er, men er det ikkje her ein plass

Nå har eg hatt bursdag, og eg hadde kjekt bursdagsselskap med alle dei norske som bur i Juliaca. Eg fekk teiknebøker, klistermerke og doktorsett. Og så hadde me brus og kaka.
Eg fekk og ein heil del klær av besteforeldrene mine, ein DVD av nokre venner og så fekk eg eit kjøkken av mamma og pappa. Det er kjekt med bursdag.

Eg fyller 5 år

2010-02-02T08:32:00.000-08:00

I mårå fyller eg 5 år. I ettermiddag skal me feira med dei norske som bur her i Juliaca. Håper nokon vil senda meg ein gratulasjon.
(Vil du det så klikker du på kommentarer under innlegget, så skriv du det du vil skriva under "Skriv ein kommentar", så velger du ein identitet, f.eks "Navn, nettadresse" og skriv navnet ditt der. Klikk på publiser kommentaren din, så er det gjort.)

Fine bilder av meg

2010-02-01T09:46:00.000-08:00

Elise og Erlend har lagt inn eit innlegg på bloggen sin der det er eit par fine bilder av meg. Sjekk denne linken.

Det går rundt for meg

2010-01-21T06:18:00.000-08:00

Eg elske å bada, her kan de sjå eit lite klipp om det. Advarsel: Du kan bli svimmel av denne videoen:)

Nydelig sang

2010-01-16T08:54:00.000-08:00

Er det noko eg liker, så er det sang og musikk. Far til ei jenta med Downs syndrom har skrive denne flotte sangen: sjekk denne linken.

Godt Nytt År

2010-01-14T20:20:00.000-08:00

Det begynner å bli ei stund sidan sist innlegg, skal prøva å skjerpa meg. Men eg har hatt ei kjempekjekk tid sidan sist. Me har vore i Ecuador å feira både jul og nyttår, og kosa oss med onkel, tante og søskenbarn.
Me fant på mykje kjekt, blant anna var me i ein park med nokre festlige dyr som heiter iguanar. Og så åt me mykje god mat.
Noko av det kjekkaste eg veit, er å bada, og me har bada mykje. Når me reiste heim frå Ecuador, tok me ei veka på ferieplassen, og dei siste dagane der, var eg mest metta av bading, det trur eg ikkje eg har opplevd før.
Ellers så er eg blitt ganske flink til å snakka, og eit av favoritt-orda mine nå for tida er "ittepå". Denne veka har Elise og eg begynt på an igjen etter ferien, og me har det kjekt saman, men eg må innrømma at eg er veldig svak for mannen til Elise og. Så når pappa seier at nå skal me gå til Elise, seier eg "Elend". Han er kul.

På tur

2009-11-05T07:23:00.000-08:00

Ingrid og eg nyt livet på bussen
Eg har ein god veslebror
Eg vil ha ein større hund
Av og til blir eg litt irritert
Cola er godt

Sidan sist har eg vore mykje på farten. Eg har vore i Arequipa, Tacna og Bolivia. Nå skal dokke få sjå nokre bilder frå Bolivia-turen. Ein dag reiste me i 17 timar, men det gjekk greit, for det var så mange kjekke folk med på turen. I Bolivia bada og leika me. Me budde i ei hytta, og det var stor plass å springa på. Veldig kjekk tur.

Trampolinesveis

2009-09-27T21:56:00.000-07:00

Eg synes det er kjekt å hoppa på trampolinen, og då synes eg at håret blir så luftig og godt og. Ein dag eg var på trampolinen, tok eg av meg brillene for å testa kor mykje dei tålte, dei tålte ikkje så mykje...
Sist søndag var me på ein plass der me kunne ri, og eg fekk vera med Peter ein runde. Det var kjekt.
Eg er veldig glad i sang og musikk, og storkoser meg når nokon vil synga med meg. Favoritten nå er: Alle, alle, vil vi ha med

Eg e med i klubben

2009-09-12T21:10:00.000-07:00

Det er noko eg er veldig kry for, det er at eg er blitt stor jenta. Det betyr at eg får gå til Randi på klubb saman med Silas og Andrea. Der finn me på mykje kjekt. Denne veka baka me boller, og så åt me boller. Begge deler slo godt an hos meg.
Ellers så må eg vel innrømma at eg er litt TV-slave, og eit av favorittorda mine er "bilm", og når eg gjer teiknet i tillegg, er ingen i tvil om kva eg vil. Eg har blitt ganske flink til å finna fram filmar og få dei inn i DVD-spelaren og.

Av og til blir eg sint

2009-08-24T21:41:00.000-07:00

Stort sett er eg kjærlig og snill med dokkene mine, dei får både kyss og klem, men av og til blir eg sint...

Elise

2009-08-13T20:20:00.000-07:00

Då er eg i gang med kvardagen igjen, etter ein storarta ferie. Eg har fått ei koselig ung dama som skal trena med meg dette året. Hu heiter Elise, du kan lesa meir om hu og mannen Erlend på deiras blogg, den finn du her

Avskjed og ferie

2009-08-02T21:00:00.000-07:00

Eg vart frisk og rakk akkurat flyet til Norge. Der kosa eg meg med familie og venner, og masse god mat.
Me måtte på ein del forskjellige kontrollar, og det meste var bra, men hos øyenlegen sa dei at eg måtte ha briller. Så nå har eg dei på heilt til eg hiv dei av.
Noko som er litt trist, er at når me reiste til Norge, så reiste både familien Tjelle og Hamre og heim. Det er litt trist, og spesielt er det trist med Veronika. Hu har vore så god og kjekk. Tusen takk for dette året, Veronika. V-tegnet kjem aldri til å bety noko anna enn deg i mitt hjerta.

Eg er ganske fin med briller og

Mika og eg koser oss med MorfarFart og spenning på båttur i Ryfylke i onkel Christoffer Inge sin båt

Eg er sjuk

2009-06-18T10:01:00.000-07:00

Nå har me hatt ein skikkelig influensa-tur i familien. Og eg fekk det ganske hardt, så nå er eg på sjukehus i Arequipa og prøver å koma meg. Eg er bedre enn eg var, nå et eg litt, teikner og les i bok. Men eg treng fortsatt oksygen. Me har bilettar til Norge på laurdag, men dei slepp meg ikkje ut herfrå før eg kan pusta sjølv. Vil du vera med å be om at eg kan bli frisk FORT.
Eg er så lei av alle sjukepleierane som kjem og gjer meir eller mindre irriterande ting med meg, så eg slit litt med å halda oppe mitt gode humør.
Satser på å sjå ein del av mine trufaste leserar i Norge snart!

Ut å stjæle is:)

2009-05-18T21:12:00.000-07:00

Hei. Me har feira 17.mai, og det var ein dag etter mitt hjerta. Masse folk, god stemning, mat, kaker og sist me ikkje minst is. Pappa kjøpte ein liten uskyldig beger-is til meg, og den gjekk raskt ned. Så såg eg ein annan is som sto på eit bord, og den var så fristande at eg begynte på den og. Når eigaren av isen dukka opp fekk eg eit problem, men det løyste eg med å skru på sjarmen!

Om gode klemmar

2009-05-06T08:45:00.000-07:00

Pappa har lest ein bra artikkel om folk med Downs. Eg likte spesielt siste avsnittet om store smil og gode klemmar. Det er eg god på. Les artikkelen her

Mykje kjekt

2009-04-15T09:37:00.000-07:00

Hei. Eg har opplevd mykje spennande sidan sist. Me hadde misjonærkonferanse i Arequipa i mars, og då kommanderte eg generalen i Misjonssambandet til å gjera som eg ville, så eg trur eg har gode ledar-egenskaper.

Ein dag på konferansen hadde me ein stor rutsjebane, og den var kjekk å prøva.

I påskeveka fekk eg besøk av tante og onkel og søskenbarn frå Ecuador. Det var kjekt å treffa dei igjen. Ein av dei kjekkaste tinga me fann på, var å bada i basseng med vatn frå varme kilder.

Ellers har eg det fint, og trives godt i Juliaca.

Bading er topp

2009-03-08T21:15:00.001-07:00

Nå var det ei stund sidan sist det var noko nytt her. Eg har vore på kysten, og nøte livet i bassenget. Eg var uti til eg hadde både oppvask- hender og føter. Det var topp.
Ellers så er eg blitt ganske flink til å snakka og synga i det sista. Eg bruker både tegn og ord flittig.
Og så synes eg det er kjekt å bølla litt med folk, og eg synes folk bør ha litt humor, for ellers blir det litt tørt.
Når me var på ferieplassen denne veka, så låg eg i ei seng der det var lett å koma seg ut. Og når eg (egentlig) hadde lagt meg, lurte eg meg bort til døra, åpna den og sa: HALLOO, og så sprang eg inn og lo godt. og det gjorde resten av søskenflokken min og.
Men pappa vart lei av det etterkvart, han meinte eg holdt våkne dei som burde sova. Han klarte å halda seg alvorlig når han sa at NÅ måtte eg sova, og då sovna eg og.

Du trenge ein dusj, Mika.(Hans standarduttrykk e NEI, Solveig)
Her held eg Peter under vatn ei stund, han trengte å kjøla seg ned litt:)

4-år

2009-02-02T07:24:00.000-08:00

I går hadde eg bursdagsfest litt på forskudd. Eg feira saman med Johannes som og fyller 4-år snart. Me grilla og heile Juliaca-gjengen og nokre besøkande var med på feiringa. Eg fekk mykje fint og kosa meg.
Men det er i morgon eg har bursdag, så du har ennå tid til å koma med ein gratulasjon:)

Eg elske badeferie

2009-01-13T20:05:00.000-08:00

Hei igjen. Eg har vore på ferieplassen på kysten, og det er bare topp. Me har bada og kosa oss dagen lang. Eg er som fisken i vatnet, eg hopper, prøver å svømma med badering, dukker luggen og storkoser meg.

Godt Nytt År

2008-12-29T18:00:00.000-08:00

Då er dette året snart over, og det er på tide med eit siste innlegg frå meg. Eg har feira jul saman med familien og Besten og Bestå, og det var kjekt. Eg var ikkje overbegeistra for pinnakjøtet, men desserten og brusen kosa eg meg med.
Me gjekk rundt julatreet og sang julesangar, då kosa eg meg skikkelig. Og så kom det masse pakkar under julatreet. Det var spennande å pakka opp pakkane eg fekk, og eg fekk masse fint. Mykje klær, og ei fin dukka blant anna.

I kveld kom Veronika og familien tilbake frå Chile, og det var kjekt å sjå dei igjen. Me skal feira nyttår saman med alle som er her i Juliaca, og så går turen til ferieplassen. Det skal bli kjekt å bada og kosa seg!

Her er eg på basar på vesle julafta, eg gleder meg til eg skal begynna sangkarrieren min!

Eg har lyst å helsa alle dokke som er inne å ser på bloggen min, og ønska dokke eit Godt Nytt År.

Litt forskjellig

2008-11-28T19:00:00.000-08:00

Hei igjen, sidan sist har eg fått besøk av Bestå og Besten. Det er kjekt å ha dei her. Dei hadde med ei ny vogn til meg og. 3-hjuls rallyvogn, så nå må mamma og pappa jogga! Ellers har eg det fint.

Det er ikkje alltid eg gidde å bli tatt bilder av!
Men plutselig er det greit og.

Besten og bestå kom kl 22.30, og eg holdt humøret oppe!
Her e den nye vognå miDet såg godt ut!

Me har fått ein liten hund

2008-11-05T20:13:00.000-08:00

Me har fått ein herlig liten hund som heiter Laika. I dag når eg kom heim frå Veronika, måtte eg bare leika og kosa litt med den. Vil du sjå bildene større, kan du klikka på dei!

Ska det ver ein liten nuss?

Ka seie du, Laika?

Eg og kan gå på fira!

Opp og ned

2008-10-26T20:34:00.000-07:00

For eit par veker sidan var eg sjuk. Eg hadde bronkitt og feber. Eg sov til middag, kvilte til kvelds, og då var det godt å legga seg.
Så reiste me til kysten, og der kvikna eg til igjen. Var eg ikkje ganske stilig i pappa sin hatt?
Me var og i Arequipa ei stund, det var kjekt, men nå er eg glad for å vera heima i Juliaca igjen.

Kortskalle

2008-09-21T20:41:00.000-07:00

Ein morgon denne veka var eg nede i stova. Mamma var ute på tur, og pappa låg og slumra litt. Då oppdaga eg eit utrulig fascinerande spel som heiter kortskalle. Det var kjekt.

Godt sagt

2008-09-17T20:56:00.000-07:00

I Vårt Land sto det ei stykke om Downs. Det var så bra at eg vil dela det med dokke.

Downs
Nydelige, vakre
Såre og sterke menneskebarn
Med hjertet utenpå brystet
Det er kanskje noe vi syns er viktig
som de ikke skjønner
men det er mye vi lengter etter
som de har
(Jorunn Strand Askeland)

Her er eit bilde av meg for ei stund sidan

Her er eg igjen

2008-09-11T20:10:00.000-07:00

I blant så er jeg lei meg, i blant så er jeg glad

2008-09-06T21:49:00.000-07:00

Veronika

2008-08-24T19:21:00.000-07:00

Det er ei stund sidan sist eg har blogga, men her er eg igjen. Og det har skjedd mykje sidan sist. Eg har blitt kjent med ei kjekk dama, som heiter Veronika. Hu skal trena og leika med meg dette året. Dei første dagane eg skulle vera saman med hu, var eg litt lei når mamma eller pappa gjekk, men nå vil eg helst ikkje heim. Hu har ikkje kome til Juliaca aleina, men har både mann og 3 ungar, til og med to jenter. Før sommaren var eg einaste jenta i misjonærbarnflokken i Juliaca, saman med 10 gutar. Men nå er det kome 3 jenter, og to av dei er Veronika sine. Eg trur dette skal bli kjekt. Vil du lesa meir om Veronika og familien kan du sjå på denne bloggen http://tjelle.wordpress.com/

Her er eg og minstejenta til Veronika, Elisabeth
Her er eg og Veronika

Prinsessa

2008-08-01T19:39:00.000-07:00

På mandag var me ute på landsbygda her og besøkte nokre misjonærar frå Tyskland/USA. Der var det nokre jenter som ville kle seg opp for anledningen(det var Peru sin nasjonaldag). Og når dei hadde ein kjole som passa til meg og, var eg så fornøgd.

Ferietid

2008-07-21T19:12:00.000-07:00

Nå var det lenge sidan det var kome noko nytt på denne sida. Pappa sin PC gjekk sund, så det har vore litt tungvint å oppdatera ei stund. Men nå har han fått ein ny, så nå skal det nok bli nyheter frå Juliaca rett som det er.

Det er ferie, og alle er heima heile dagen. Mamma og pappa prøver å trena litt med meg sjølv om det er ferie, men eg er ikkje topp motivert for tida.

Eg synes det er kjekt å vera ute på tur. I går var eg ute og gjekk, og så sto det ein vaktmann på ein fortauskant. Det var så fristande å finna på noko bøll, så eg nærma meg han bakfrå og skudde han ned frå fortauet. Det var løye:)

Elisabeth reiser snart!

2008-06-15T13:06:00.000-07:00

Nå har Elisabeth og eg hatt vår siste dag i Juliaca. Hu har vore veldig kjekk og flink, og ikkje minst tålmodig med meg. Det hender av og til at eg ikkje gidde å trena, men Elisabeth har avleda meg så eg ikkje visste at eg trente før eg hadde trent.
Elisabeth prøvte å fortella meg ein dag at nå skulle hu snart reisa frå meg, men då viste eg tydelig at dette ville eg ikkje høyra snakk om. Det er flaut å sei, men eg slapp opp for argumenter og måtte ty til vold!
Men hu reiser visst likevel.
Tusen takk for dette året, Elisabeth!

Eg blogger

2008-05-04T20:05:00.000-07:00

Eg må skriva litt på bloggen min.

Det vart jo utrulig festlig!

Tv-slave

2008-05-02T21:15:00.000-07:00

Eg har ganske god teknisk innsikt, så nå har eg funne ut korleis eg skruer på TV-en, og det gjer eg så snart eg får mulighet. Eg ser litt på forskjellig barne-tv, men det absolutt kjekkaste er musikkvideoar. Eg har ein Leithaug-video(den har eg vore litt hardhendt med, så den er litt hakkete. hint-hint), og så har eg Lisa Børud.
Ellers så har eg vore på tur til Cusco sidan sist, der har eg ei god veninna som heiter Lydia. Sjå eit koselig bilde av oss på denne sida.
Eg traff nokre alpaccar og på turen, dei var ganske festlige.

Hopp og sprett

2008-04-12T15:03:00.000-07:00

Hei. Nå var det lenge sidan eg har fortalt noko nytt frå Peru. Eg er her ennå, og har det godt. Nå både går og småjogger eg, og Mika og eg leiker ofte på trampolinen. Sist veka fekk me nett på den, så då føles det litt tryggare for dei som ser på våre krumspring.

Eg seier litt fleire ord, og er flink å bruka teikn til tale.

Frå kysten

2008-03-09T10:29:00.000-07:00

Ja, nå har eg vore eit par veker på kysten. Først saman med Elisabeth og alle skuleungane, og så med mamma og pappa og brødrene mine. Eg har kosa meg. Bading er heilt topp. Eg sto på kanten av bassenget, og når mamma eller pappa telde til tre, hoppa eg uti(sjå Elisabeth sin blogg, eg hoppa med hu og).
Ellers kosa eg med Lydia og Sara, nokre koselege danske piger.
Denne veka er eg i Arequipa på misjonærkonferanse.

Gjett kor eg er nå??

2008-02-25T09:43:00.000-08:00

Nå har eg reist frå høgfjellet, og er ein tur i varmen ved Stillehavet. Elisabeth og eg har blitt med den norske skulen på svømmeveka. Og ikkje nok med det, men etter svømmeveka kjem mamma og pappa ned til kysten, og då skal me ha ei veka ferie og. JIPPI!

Bildene er frå sist me var på kysten, men det har sikkert ikkje forandra seg så mykje:)

Feiring på stranda

2008-02-05T18:53:00.000-08:00

Nå har eg blitt 3 år. På bursdagen min fekk eg mykje fint. Duplo-dokker, bamsar, dokker, badedrakt og sjokolade.

Me feira dagen min med utflukt til stranda. To fulle bilar køyrde ein time ut til Titicaca-sjøen. Der fann me ei fin strand. Nokre galningar bada, men eg heldt meg på land. Det var litt vind, så me søkte ly bak nokre haugar. Me hadde bål, pinnebrød med bacon og pølser. Etter maten var det litt leiking. Eg prøvte å gå litt i ulendt terreng, det gjekk ganske godt. Så var det boller, kaker og vafler på toppen. Me var ein heil gjeng. Alle som bur i Juliaca pluss fire som var i Juliaca på praksis og besøk. Pakkar, god mat og mange kjekke folk, då kan det ikkje bli bedre. Takk til

dokke som sende meg koselige helsingar til bursdagen min.

Folk og dyr

2008-01-31T10:04:00.000-08:00

Marianne og eg i Tor Egil sin bursdag

Hei igjen. Sidan sist har eg vore med å feira Tor Egil sin 40-årsdag. Det var kjekt. Masse god mat og god stemning. På søndag var me på besøk på ein gard utforbi byen her. Der var det mange kjekke dyr. Det var ein kalv der, den syntes eg var kjempefin. Ellers så er eg skikkeig i gang med gåing for tida, det er inspirerande at Mika puster meg litt i nakken. Pappa har lagt inn ein videosnutt der eg spaserer på 7xhovda.blogspot.com
For dei som hadde gløymt det, så fyller eg 3 år på søndag. Legg inn helsing ved å trykka på comments under!
Eg klapper ein fin kalv

Sommarferie

2008-01-15T20:04:00.000-08:00

Nå har eg hatt ei god veka. Me har vore på ferie i Mejia ved kysten, og eg har bada og kosa meg i varmen. Eg bada både i eit lite barnebasseng og i det store bassenget. Eg er som fisken i vatnet. Det einaste som er litt kjedelig er når eg må opp.

Møte heima

2008-01-06T19:52:00.000-08:00

Hei. I dag var både Mika og Peter litt halvslakke, så me kom oss ikkje ut på møte i kyrkja. Men David og Peter syntes me skulle ha møte heima, så dei forberedte seg med dei nye biblane sine. Me sang ein del, og så leste dei frå Bibelen, og David leste eit stykke frå ein barnebibel og. Me sang ein av dei sangane som eg kan bevegelsane til og då var eg med. Vår Gud er så stor....

Nå reiser me til kysten, og eg skal bada å kosa meg. Det er topp.

Godt Nytt År.

2007-12-30T20:45:00.000-08:00

Eg har bare lyst å helsa dokke som er inne å ser på bloggen min, og ønska dokke alle eit rektig godt nyttår. Eg skal feira nyttår i Lima! Me må dit for å ordna nokre papirer, så då feirer me like godt Nyttår i byen som har dobbelt så mange innbyggerar som Norge!

I går var me ute å åt kylling, og då tok pappa dette bildet av meg og storebrødrene mine. Nokre passer bare til å vera midtpunkt!

God Jul

2007-12-23T20:53:00.000-08:00

Då har eg bare lyst å ønska alle god jul. Eg var med på juleavslutning på skulen denne veka, og då gjekk me rundt juletreet, det var stas. Satser på det blir meir av det i dag.

Litt av kvart frå meg

2007-12-10T16:05:00.000-08:00

33222w23|1

Det første her har eg skrive heilt sjøl, utan hjelp!

For eit par veker sidan var eg på tur til Tacna heilt sør i Peru, og ein liten tur inn i Chile. Me måtte ut av landet for å ordna med visum til meg og brødrene mine. Det var varmt og godt der nede i låglandet.

Mika hadde på seg ei ganske kul hua, og han satt rett framfor meg i dobbeltvogna. Du kan sikkert tenka deg kva som skjedde.

Eg traff og nokre kjekke folk i Tacna. Han som eg herjer med på bildet heiter Osvaldo og kjenner mamma og pappa frå tida dei budde i Tacna. Festlig type!

Bordtale

2007-11-26T18:34:00.000-08:00

Som den gode lutheraner eg er, har eg begynt å holda bordtalar. Når eg er mett og glad, reiser eg meg på stolen, og seier min hjertens meining.

Det var godt

2007-11-24T21:10:00.000-08:00

Hei igjen. eg har vore litt halvsjuk ei stund, men nå har eg blitt god igjen. Eg synes det er kjekt å vera ute å leika. I dag leika eg i sandkassen saman med Silas, Peter og Mika. På bildet har eg ikkje kome heilt i gang med leikinga, for eg fekk eit stykke paneton(peruansk julebrød). Her gjer eg teiknet for godt, for dette var snadder.

På søndag hadde me besøk av eit par frå Norge, og dei hadde med norsk grovbrød og Nugatti! Eg hadde ikkje hatt så veldig matlyst før det, sidan eg ikkje var heilt i form. Men då tok eg 3 skjever på strak arm.

Skrekkblanda fryd

2007-11-10T21:02:00.000-08:00

Mika og eg synes det er spennande med Bamse. Men når me er ute, hender det han blir litt innpåsliten. Men det er veldig koselig når me kan kosa med han gjennom vinduet.

Mitt liv i bilder!

2007-11-02T12:35:00.001-07:00

Baking

2007-10-25T09:07:00.000-07:00

Ein dag David og Peter skulle baka kaka, fann eg ut at det såg så kjekt ut, at eg og begynte å baka. Eg tenkte på eplekaka!

Eg er i boks

2007-10-17T21:19:00.000-07:00

Eg har funne ut at det er ganske koselig å sitja oppi boksen me pleier å ha duplo i. Der kan eg haldda roen ei heil stund, spesielt viss eg kan drøsa og kosa med dokka mi.

Endelig CD-spelar i hus

2007-10-14T18:48:00.000-07:00

Pappa har vore ute og handla CD-spelar. Det er spesielt Silas og eg som gleder oss over den. Og når eg høyrer ein fin sang, slit eg med å sitja i ro å høyra. Trykk på play og sjå sjøl!

Eget rom på skulen

2007-10-09T20:37:00.000-07:00

Hei igjen. Det går veldig godt med meg i Juliaca. Eg har ikkje merka noko problem med å bu i høyden. Eg både ete godt og sove godt.

Eg har fått eget rom på skulen, der eg og Elisabeth trener og leker. Eg synes det var eit rektig godt rom, og Elisabeth og meg har det kjekt.

Halvfarlig leik

2007-10-04T09:43:00.000-07:00

Hei! Nå har eg kome til Juliaca. Mamma, Mika, David og eg tok fly opp på laurdag. Mamma og pappa var ganske spente på korleis eg og Mika ville reagera på å vera ca 4 km over havet(3820 m.o.h heilt nøyaktig). Me er ganske vanlige begge to. Eg slit litt med å finna noko eg liker å eta, så nå har mamma spretta ein brunost, og det er snadder.

Elisabeth og eg har begynt kvardagen vår på skulen i Juliaca. Dokke skal få sjå bilder frå det seinare.

Mika er litt irriterande for tida. Når eg prøver å leika med forskjellige ting, så skal absolutt han ha det som eg har. Ein dag fann eg ein pose og tok over hovudet, men den fekk eg ikkje ha lenge før Mika halte og drog. Slik holdt me på ei stund, eg tok den på, han tok den av.

Pappa lurte litt i bakgrunnen, for å sjå om eg gjekk lens for oksygen, men i staden for å hindra denne leiken, tok han bilder.

Matlysten er tilbake

2007-09-23T18:45:00.000-07:00

Nå går det rette veien med meg. Ein del dagar sist veka gadd eg ikkje eta, men nå skal eg ta igjen det eg har gått glipp av. I dag åt eg 7 skiver med leverpostei til frukost, og 6 til kvelds. Til kvelds tok eg eit rundstykke og ei lita banan til dessert og.

På bildet ser dokke meg i ei hua eg fekk i posten for ei stund sidan. Den har bestemor i Noredalen laga. Var ikkje den fin?

Eg har vore sjuk

2007-09-19T21:05:00.000-07:00

Den siste veka har eg vore sjuk. Eg har hatt bronkitt og vore veldig slapp og trøtt. Har ikkje ete noko særlig, og lege i senga store deler av dagen. Me har prøvt fleire doktorar, og eg har fått ein del forskjellige medisiner. Det versta var nokre vonde sprøyter. Men nå i kveld fekk eg ein veldig matlyst, eg åt 2-3 skiver, og eit stykke paneton(kaka som ligner litt på julebrød, bare ennå bedre). Når eg skulle legga meg i kveld, ville Silas ha fest for meg, så då fekk eg leika med alt mulig rart som han har i "den hemmelige boksen sin". Det var kjekt. Nå satse eg på å vera heilt frisk til me flytter til Juliaca neste veka. Pappa og David reiser med flytelassset i mårå.

På fellesmøte i kyrkja

2007-09-12T19:17:00.000-07:00

På søndag var me på fellesmøte i kyrkja. Eg er glad i sang og musikk, og her er det mykje klapping. Det er eg flink til.

Ny sveis

2007-09-07T21:04:00.000-07:00

I går var eg hos frisøren. Det gjekk greit, og eg vart såå fin. Masse pynt i håret fekk eg og. Slike ting blir ikkje lenge i mitt hår, for eg er ein ekspert til å riva det ut(til mammas fortvilelse). Men pappa klarte å knipsa eit par bilder mens eg hadde heile pynten intakt. Eg gløymte helst å riva det ut, for eg var så opptatt av å køyra bilen min. Då seier eg: bbbbbbbr. Gøy!

Mine festlige foreldre

2007-09-05T20:52:00.000-07:00

Eg er litt halvsur på at ingen kommenterer den nye layouten på bloggen min, og det fine bildet på toppen. Men nå skal eg gi dokke ein anledning til å sei litt om det. Eg har to ganske festlige foreldre. Når eg høyrer musikk, så blir eg litt rikkalause, og lever meg inn i det. Pappa er vel den som er minst med på notene når det gjeld bevegelse til musikk, men eg får han og med av og til. Mamma er lettare å bevega.

Vil du skriva ein kommentar, klikker du på Comments og skriv det du vil. På forhånd takk:)

Brødre

2007-08-30T20:33:00.000-07:00

Eg er så heldig å ha 4 brødre. Dei har eg mykje moro med. Stort sett er dei greie å ha med å gjera, men viss dei kjem å skal klemma på meg når eg er opptatt med noko anna, gir eg klar beskjed om at det ikkje passer.

I dag var me på tur på eit marked med masse suvenirar. Då sat eg og Mika i tvilingvogna, og fekk masse oppmerksomhet. Det som eg er litt bekymra for når det gjeld han, er at han ser så seriøs ut. Bare sjekk bildene pappa tok i dag.

Ein del kveldar sit me å ser på film. Og då synes eg det er koselig når eg får sitta oss ein av brødrene mine. Det er sjeldan eg klarer å sitja i ro ein heil film, men eg klarer litt, viss det er ein spennande film.
Kom med kommentarar, por favor.

Endelig kom lekene mine

2007-08-25T21:17:00.000-07:00

I dag var ein kjekk dag. Me fekk alle dei tinga som me sendte med container for snart 2 månadar sidan. Sjølv om det var lenge sidan eg hadde sett ein del av lekene mine, var det heilt topp å sjå dei igjen. Spesielt var eg glad for dokka og dokkekleda. Nå skal eg kosa meg!

Det hadde vore koselig viss nokon av dokke ville legga igjen ei lita helsing i ny og ne. Då klikker du på "comments" og så skriv du noko koselig til meg.

Nå vil eg snart gå

2007-08-25T20:48:00.000-07:00

Eg prøver stadig på å finna ut korleis eg skal klara å gå samanhengade. Eg har ingen problem med å reisa meg opp og stå, og eg går 7-8 steg, men så mister eg balansen. Men det er kjekt å gå. Når eg har det travelt, tar eg ut med rompa i veret. Det går absolutt fortast! Men eg er ganske sikker på at eg skal læra meg å gå før eg begynner å sykla:)

På messa

2007-08-18T19:43:00.000-07:00

I dag har me vore på ei stor messa her i Arequipa. Me såg på bilar, bussar, dyr og mykje anna. Det var mange folk som smilte og peikte når dei såg oss, trur ikkje dei er vant til å sjå så fine ungar som meg. Me har fått ny vogn, den vakte og litt oppsikt.

Og så møtte eg ein herlig peruansk gut som heiter Sebastian, han har og Downs syndrom, og var og ein blid og positiv person!

Kvardagen har begynt

2007-08-15T20:11:00.000-07:00

Denne veka har eg og Elisabeth starta med trening. Eg har fått eige rom på den norske skulen mens me er i Arequipa. Det var litt hardt å begynna igjen etter ferien, men det skal nok gå bra.

Her kan du sjå kva Elisabeth skriv: http://elisabethsteinsland.blogspot.com/2007/08/da-er-vi-i-gang.html

Fart og spenning

2007-08-14T18:26:00.000-07:00

Nå er eg godt i gang med livet i Peru. Her skin sola kvar dag. Einaste problemet eg har er at eg blir så utrulig tørr i huden av denne ørkenlufta. Eg held på å venna meg til at ting smaker litt annleis enn vanlig, men eg slit litt med brødmaten. Middagane derimot smaker kjempegodt.

Eg har opplevd ein del fart og spenning sidan sist. Ein dag me var i parken, så kjørte Silas meg i vogn. Då fann han ut at han ville kjøra rally. Det var gøy!

Ein annan dag fann han ein balje å køyra meg i, då lekte me ferja.

Pappa var på markedet ein dag, og då kom han heim med ein bil til meg. Den er kul. Første dagen var det både lys og lyd på den, men etter det trur eg ikkje det har vore batteri i bilen. Forstå det den som kan!

Mamma var og på markedet ein dag, og hu kjøpte eit enormt handlenett. Det har eg brukt som tilfluktsplass og som hatt. Ganske stilig.